السلام عليكم ...
بقالى كتير نفسى أكتب حاجة بس مش عندى وقت ... طيب أنا بس هكتب كلمتين وأقوم علشان جردل الإمتحانات و التحضير و الحاجات اللى علينا (نسألكم الدعـــــــــــــــــــــــــــاء)
اسمعوا دى كدة و انتوا بتقروا البوست >> قلبى الصغير
من كام اسبوع كان عندنا تحضير أناتومى فى سكشن المستشفى و أنا سبحان الله كنت ناسية الموضوع خالص! و الدرجات بتتوزع علنى يعنى جلاجل بفضيحة.
حالتى الإيمانية ساعتها كانت لا تسمح إنى أدعى كنت مفوتة الفجر بقالى يومين و كدة فاوشى واكلنى من ربنا ، المهم أفتكرت شيماء فى الحلقة كانت حكت عن موقف مشابة و أعدت صاحبة المشكلة تستغفر لحد ما ما فرجد بطريقة لا تتخيلها!
أعدت استغفر إن الدكتورة تنسى أو يدق انذار كاذب للحريق وأو أى حاجة تعدى الموقف على خير، أعدت طول السكشن مش على بعضى أحاول ابوص فى أى كلمة من التحضير و أستغفر ... و فجــــــــــــــــــــــــــــــــــأة الدكتورة قالت يلا طلعوا ورقة و قلم و رزعتنا السؤال ...
و بما أن التأليف فى الأناتومى لا يجوز شرعا لآن الموضوع مفقوس مفقوس ، فأنا كتبتلها على حاجة تانية خالص على اعتبار ان سمعى تقيل مثلا وسمعت السؤال غلط ....
و أعدت أستغفر علشان أى حاجة تحصل وأخد ربع الدرجة أو حتى أضعف الإيمان الدكتورة تقولى الدرجة على جمب، المهم جة معاد لم الورق و الدكتورة قالت تلات مرات لموا الورق و الناس مش بتطلع الورقة علشان لسة بتكتب و أنا طبعا طبقت الورقة و عماتها مركبة علشان متشوفهاش فى ساعتها، و لما اتأخرنا و مطلعناهاش قامت الدكتورة حلفت مش ها تاخذ الورق من السكشن كله!!! لو مكنتيش بس تحلفى :)
سبحان الله ساعتها فكرت؟ هل أنا غالية عند ربنا كدة؟ هل حتى لو أنا مكسوفة أطلب منه حاجة علشان أنا عملت ذنوب كتير هو بيبقى عارف و يحققهالى؟ مين من البشر أو حتى من الحاجات اللى واخدة مساحة فى قلبى ممكن تعمل كدة علشانى أو حتى قربت منى علشان تعملى حاجة أنا محتاجاها ...
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
وفى أمان الله
بقالى كتير نفسى أكتب حاجة بس مش عندى وقت ... طيب أنا بس هكتب كلمتين وأقوم علشان جردل الإمتحانات و التحضير و الحاجات اللى علينا (نسألكم الدعـــــــــــــــــــــــــــاء)
اسمعوا دى كدة و انتوا بتقروا البوست >> قلبى الصغير
من كام اسبوع كان عندنا تحضير أناتومى فى سكشن المستشفى و أنا سبحان الله كنت ناسية الموضوع خالص! و الدرجات بتتوزع علنى يعنى جلاجل بفضيحة.
حالتى الإيمانية ساعتها كانت لا تسمح إنى أدعى كنت مفوتة الفجر بقالى يومين و كدة فاوشى واكلنى من ربنا ، المهم أفتكرت شيماء فى الحلقة كانت حكت عن موقف مشابة و أعدت صاحبة المشكلة تستغفر لحد ما ما فرجد بطريقة لا تتخيلها!
أعدت استغفر إن الدكتورة تنسى أو يدق انذار كاذب للحريق وأو أى حاجة تعدى الموقف على خير، أعدت طول السكشن مش على بعضى أحاول ابوص فى أى كلمة من التحضير و أستغفر ... و فجــــــــــــــــــــــــــــــــــأة الدكتورة قالت يلا طلعوا ورقة و قلم و رزعتنا السؤال ...
و بما أن التأليف فى الأناتومى لا يجوز شرعا لآن الموضوع مفقوس مفقوس ، فأنا كتبتلها على حاجة تانية خالص على اعتبار ان سمعى تقيل مثلا وسمعت السؤال غلط ....
و أعدت أستغفر علشان أى حاجة تحصل وأخد ربع الدرجة أو حتى أضعف الإيمان الدكتورة تقولى الدرجة على جمب، المهم جة معاد لم الورق و الدكتورة قالت تلات مرات لموا الورق و الناس مش بتطلع الورقة علشان لسة بتكتب و أنا طبعا طبقت الورقة و عماتها مركبة علشان متشوفهاش فى ساعتها، و لما اتأخرنا و مطلعناهاش قامت الدكتورة حلفت مش ها تاخذ الورق من السكشن كله!!! لو مكنتيش بس تحلفى :)
سبحان الله ساعتها فكرت؟ هل أنا غالية عند ربنا كدة؟ هل حتى لو أنا مكسوفة أطلب منه حاجة علشان أنا عملت ذنوب كتير هو بيبقى عارف و يحققهالى؟ مين من البشر أو حتى من الحاجات اللى واخدة مساحة فى قلبى ممكن تعمل كدة علشانى أو حتى قربت منى علشان تعملى حاجة أنا محتاجاها ...
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
وفى أمان الله
2 comments:
أنا جيت أبارك على تجديد المدونة اللي كان بقالها قرن متجددتش ..
:)
بس ملحوظة امتحانات ايه دلوقتي ؟؟
عامة ربنا يوفقك إن شاء الله
DrKonafa
Post a Comment